Үйлчилгээний нөхцөл

1.1 Соёолон Капитал ББСБ вэб сайтад 18 насанд хүрсэн, Монгол Улсын иргэн бүртгэл үүсгэж хэрэглэгч болох боломжтой.

1.2 Та энэхүү Үйлчилгээний нөхцөл болон Нууцлалын бодлогыг хүлээн зөвшөөрч, Харилцагчийг таних шалгуур алхмыг хангасны үндсэн дээр дахин давтагдашгүй бүртгэлийн хаягийг үүсгэх бөгөөд таны мэдээлэл, зээлийн болон гүйлгээний түүх зэрэг нь уг бүртгэлийн хаягт хадгалагдана.

1.3 Та өөрийн бүртгэлийн хаягт нэвтрэх нэр, нууц үгийг оруулах замаар нэвтэрч, нэвтэрсний дараа уг хаягаас хийгдсэн бүхий л үйлдэл, хүсэлт, гүйлгээг таны хийсэн хууль ёсны үйлдэл гэж үзнэ.

1.4 Хэрэв та хуулийн этгээдийг төлөөлөн вэбсайтыг ашиглах бол тухайн хуулийн этгээдийг итгэмжлэлгүйгээр төлөөлөх эрхтэй эсхүл итгэмжлэгдсэн этгээд байх шаардлагатай бөгөөд таны төлөөлөн хийсэн аливаа үйлдлийн үр дагавар, эрх үүрэг, хариуцлагыг тухайн хуулийн этгээд хариуцна.

1.5 Вэб сайтыг аливаа хувь хүнийг төлөөлөн ашиглах боломжгүй бөгөөд ийнхүү төлөөлөн хэрэгжүүлсэн тохиолдолд үүсэх үр дагаврыг ББСБ хариуцахгүй.

2.1 Таны илгээсэн хүсэлтийн төрөл болон үнийн дүнгээс хамаарч пин код, нэг удаагийн нууц үг, тоон гарын үсэг болон ББСБ-тэй бичгээр байгуулсан гэрээнд зурагдсан гарын үсгээр таны цахим хүсэлт, цахим гэрээг баталгаажуулна.

2.2 Цахим үйлчилгээний аюулгүй байдлыг хангах зорилгоор цахим гэрээний үнийн дүнгээс хамаарч дээрх баталгаажуулалтын алхмуудаас нэгээс олон хэлбэрийг сонгон давхар баталгаажуулалт хийх боломжтой.

Шимтгэл, нөхцөл нь өөрчлөгдөж болно.

3.1 ББСБ нь таны хувийн мэдээллийг (овог, нэр, регистрийн дугаар, төрсөн он сар өдөр, хүйс, утасны дугаар, яаралтай үед холбоо барих хүний мэдээлэл, оршин суугаа хаяг, хөдөлмөр эрхлэлт зэрэг болон холбогдох бусад мэдээлэл)-ийг зөвхөн дараах зорилгоор ашиглана. Үүнд:

1. Харилцагчийг таньж мэдэх ажиллагааг хэрэгжүүлэх
2. Хуульд заасан хугацаа, шаардлагын дагуу хадгалах
3. Вэбсайтаар дамжуулан хүсэлт, гүйлгээг хүлээн авч дамжуулах
4. Салбарын мэдээлэл, байршлыг тодорхойлох зорилгоор байршлын мэдээлэл авах
5. Зээлийн эрх болон бусад үйлчилгээний зэрэглэл тогтоох
6. Хамаарал бүхий компанид таны зөвшөөрсөн хэмжээнд мэдээлэл дамжуулах
7. Санал болгох бүтээгдэхүүн үйлчилгээний мэдээллийг цаг алдалгүй дамжуулах
8. Төрийн цахим мэдээллийн сангаас лавлагаа, мэдээлэл авах
9. Сэтгэл ханамжийн болон зах зээлийн судалгаа хийх
10. Вэбсайтын хэрэглээний түвшинг судлах, сайжруулах
11. Хуульд заасан тохиолдолд эрх бүхий байгууллагад мэдээлэл гаргаж өгөх

• Бүтээгдэхүүн үйлчилгээний талаар мэдээлэл авах
• Хамаарал бүхий компани, салбар, төлөөлөгчийн мэдээлэлтэй танилцах
• Компанийн бодлого, журам, эрх зүйн баримт бичгүүд
• Тогтвортой хөгжлийн үйл ажиллагаатай холбоотой тайлан, бодлого журам
• Вэб сайтаас санал болгож буй бусад үйлчилгээ

5.1 Харилцагч та энэхүү үйлчилгээний нөхцөлийг зөвшөөрснөөр дараах эрх эдэлж, үүрэг хүлээнэ. Үүнд:

1. Зээлийн эргэн төлөлтийн хуваарь, дансны хуулга, хүсэлтийн шийдвэрлэлт болон бусад өөрт хамаарах мэдээлэл авах
2. Вэбсайттай холбоотой санал гомдлоо “Санал хүсэлт илгээх” хэсгээр илгээх эсвэл холбоо барих сувгаар дамжуулан гаргах
3. Өөрийн хувийн болон санхүүгийн мэдээллийг үнэн зөв оруулах
4. Мэдээлэлд өөрчлөлт орсон тохиолдолд шинэчлэх
5. Худал мэдээлэл оруулах, хуурах, залилах үйлдэл хийхгүй байх
6. Улс төрийн сурталчилгаа, хууль бус зорилгоор ашиглахгүй байх (мөнгө угаах, терроризмыг санхүүжүүлэх, нэр хүндэд халдах гэх мэт)
7. Нэвтрэх нэр, нууц үгийн аюулгүй байдлыг хамгаалах
8. Шимтгэл, хураамжийг цаг тухайд нь төлөх
9. Энэхүү нөхцөлийг зөрчсөний улмаас учирсан аливаа хохирлыг дангаар хариуцан, нөхөн төлөх

1. Шаардлагатай мэдээллийг дутуу оруулсан тохиолдолд үйлчилгээ үзүүлэхээс татгалзах
2. Нөхцөлийг зөрчсөн тохиолдолд аккаунтыг идэвхгүй болгох, учирсан хохирол, зардлыг нэхэмжлэх эрхтэй
3. Харилцагчийн хувийн болон санхүүгийн мэдээллийг энэхүү нөхцөлд зааснаас бусад тохиолдолд дамжуулахгүй, нууцлалыг хадгалах үүрэгтэй
4. Техникийн өөрчлөлт, шинэчлэлт хийх үед түр хугацаагаар үйлчилгээ зогсоох

1. Цахим бүтээгдэхүүн, үйлчилгээг сайжруулахтай холбоотой шинэчлэлтийг тодорхой хугацаанд хийх бөгөөд шинэчлэлтийг хүлээн авч ашигласнаар нэмэлт өөрчлөлтийг хүлээн зөвшөөрсөнд тооцно.
2. Вэбсайт дээр байрлах лого, загвар, гэрээ, үйлчилгээний нөхцөл болон бусад баримт бичгүүд нь компанийн өмч бөгөөд хууль бусаар ашиглахыг хориглоно.
3. Вэб сайтыг ашиглахтай холбоотой маргааныг талууд эвийн журмаар, шийдвэрлэж чадахгүй тохиолдолд Монгол Улсын хууль тогтоомжийн дагуу эрх бүхий байгууллагаар шийдвэрлүүлнэ.
4. Шаардлагатай бодлого, дүрэм, журмын шинэчилсэн хувилбар, хавсралт, тайланг нээлттэй байршуулж мэдээлнэ.